ရေခဲရုပ်ကြွင်း

အသက်တွေကြီးလာတာနဲ့အမျှ ဆုံးဖြတ်ချက်တွေအတွက် လုံလောက်တဲ့အကြောင်းပြချက်တွေကို ခံယူပုံခံယူနည်းတွေ ပြောင်းပြောင်းလာတတ်တယ်။ ငယ်ငယ်တုန်းကဆို လိုချင်တဲ့ ကစားစရာလေးတွေ မရရင်ကမ္ဘာကြီး ပျက်တော့မယ့်အတိုင်း ၀မ်းနည်းတယ်၊ ငိုတယ်၊ စိတ်ကောက်တယ်။ အခုလည်း ကျွန်မ ငိုကြွေးတတ်တုန်းပါဘဲ။ တစ်ယောက်တည်း ၀မ်းနည်းနေတတ်တုန်းပါဘဲ။ သက်မဲ့ပစ္စည်းလေးတွေကို လိုချင်တပ်မက်ရတာထက် သက်ရှိလူသားတွေကို လိုချင်တပ်မက်ရတာ ပိုပင်ပန်းပါတယ်။

လူတိုင်းမှာ လူ့အခွင့်အရေးနဲ့ ကိုယ်ပိုင်လွတ်လပ်ခွင့်တွေရှိတယ်ဆိုပေမဲ့ မိဘနဲ့သားသမီး၊ သမီးရည်းစားနဲ့ လင်မယားတွေ ကြားမှာ တစ်ခါတစ်လေ ကိုယ်ပိုင်လွတ်လပ်ခွင့်တွေကို အပြည့်အ၀ အသုံးမပြုသင့်တာမျိုးတွေရှိတယ်။ သူ့ဘက်က လိုအပ်တဲ့ စည်းအတိုင်းအတာနဲ့ ကိုယ့်ဘက်က ပေးနိုင်တဲ့ အတိုင်းအတာ ကွာဟနေရင် ပြဿနာတွေက တက်လာကော။

တစ်ခါတစ်လေကြရင် အများကြီး ချင့်ချိန်ရတယ်။ ကိုတောင်းဆိုတဲ့ အခွင့်အရေးတွေက သူ့ဘက်ကို တအားနစ်နာစေပြီး ကို့ရဲ့ Relationship အတွက်ကော အကျိုးရှိပါ့မလား။ ဒီအခွင့်အရေးတွေ မတောင်းဆိုမိရင် ဆိုးကျိုးတွေပိုဖြစ်လာနိုင်စေသလား။ အဘက်ဘက်က စဉ်းစားသင့်တယ်ထင်တယ်။

သာတူညီမျှတဲ့အခွင့်အရေးမရဘဲ တစ်ဘက်စောင်းနင်း ပေးဆပ်ရတာတွေများနေရင်တော့ အချိန်ကြာလာတာနဲ့အမျှ ပြဿနာကြီးကြီးမားမားတွေဖြစ်လာနိုင်တယ်။

အထူးသဖြင့် သမီးရည်းစားတွေမှာ ရိုးသားမှုက အရမ်းအရေးကြီးတယ်။ တစ်ယောက်အကြောင်းတစ်ယောက်ပိုသိချင် ပိုနားလည်ချင်နေတဲ့အချိန်၊ တစ်ယောက်ဘ၀ထဲကို တစ်ယောက် ၀င်လာချင်တဲ့အချိန် စစ်မှန်တဲ့ ရိုးသားမှုမပေးနိုင်ရင် သူတို့ရဲ့ဆက်ဆံရေးကလည်း သာယာနိုင်မှာမဟုတ်ဘူး။

ကို့ဘက်က အမှားလို့မခံယူတဲ့အရာတွေက တစ်ဘက်လူဘက်ကနေကြည့်ရင် မဟာအမှားတွေဖြစ်နေပြန်တဲ့အခါတွေလည်းရှိတယ်။ အဲ့ဒိအချိန်မျိုးတွေမှာ အရိုးသားဆုံး၊ အမှန်အတိုင်း ကိုယ့်စိတ်ထဲရှိတာကို တစ်ဘက်လူနားလည်အောင် ပြောပြလိုက်တာက အကောင်းဆုံးဖြေဆေးဘဲ။ အဲ့လိုမှမဟုတ်ဘဲ ညာနေ၊ လိမ်နေမိတယ်ဆိုရင် အဲ့ဒိလူနှစ်ယောက်ကြားက ယုံကြည်မှုဟာ အနည်းနဲ့အများ ပျက်စီးသွားမှာဘဲ။

ကျွန်မ... မှားခဲ့တာတွေရှိမှာပါ။ ကိုယ့်အမှားကို အမှားမှန်းမသိဘဲ ကျူးလွန်မိတဲ့အပစ်တွေအတွက် လက်ညိုးငေါက်ငေါက်ထိုးပြီး စွပ်စွဲအပစ်တင်မယ်ဆိုလဲ ခံရမှာဘဲလေ... ဒါပေမဲ့.. ကျွန်မဘယ်လိုမှ မမြှော်လင့်တဲ့နည်းနဲ့ ကံကြမ္မာက ကလဲ့စားခြေတယ်ဆိုတော့... ကျွန်မဘယ်လိုဆုံးဖြတ်ရမှာလဲ။ ပိတ်ထားတဲ့ တံခါးတွေအများကြီးရှိတဲ့ နှလုံးသားတစ်ခုထဲ ၀င်ခိုင်းပြီး စစ်ဆေးကြည့်ပါ ခင်ဗျာ ဆိုတော့...

ဒီလမ်းကို ကျွန်မ ရှေ့ဆက်မသွားရဲတော့ဘူး။ အဲ့ဒိတော့ လူတွေကမေးကြတယ် နောက်ပြန်လှည့် အတိတ်ကိုမေ့ပြီး လမ်းသစ်ကို လျှောက်လှမ်းပါလားတဲ့။ ဟင့်အင်း.. ကျွန်မလေ နောက်ပြန်လှမ်းဖို့လဲ အားမရှိတော့ပါဘူး။ ကျွန်မသစ္စာတရားတွေနဲ့ ဒီနေရာဟာရေခဲတောင်တစ်ခုသာ ဖြစ်သွားမယ်ဆိုရင်လေ.. ရေခဲနံရံတွေကြားထဲမှာ ကျွန်မ ရုပ်ကြွင်းတစ်ခုအနေနဲ့သာ ရှိနေလိုက်ချင်ပါတော့တယ်။