မာနတစ်ခွဲသားနဲ့ တစ်ယောက်အပြစ်တစ်ယောက်ရှာပြီး
ဘ၀တွေဖြတ်ဖြတ်ရိုက်ပစ်ဖို့ဆိုတာ
ငါတို့တွေက စစ်တိုက်နေတာမှမဟုတ်တာ...
သွေးမတော်သားမစပ် လူနှစ်ယောက်
တစ်သားထည်းမကျနိုင်ရင်တောင်
ချစ်သူ...
နှလုံးသားလေး နည်းနည်းပျော့ပျောင်းလှည့်ပါကွယ်...
မဝေးသေးတဲ့ အတိတ်တစ်ချို့
ထမင်းလုံးတစ္စေခြောက်မှာ မကြောက်ဘူးလား
မဝေးတော့တဲ့ အနာဂတ်မှာ
တိုက်ဆိုင်တိုင်း သတိရမိမှာ မစိုးရိမ်ဘူးလား...
ချစ်သူရယ်..
တကယ်ဆို ဘာကိုအလိုရှိနေတာလဲ
ငါတို့နှစ်ယောက် ပေါင်းစည်းဖို့က
နားလည်မှု၊ ကူညီဖေးမမှုနဲ့ ချစ်ခြင်းတွေသာ
ဖောဖောသီသီသုံးနိုင်ဖို့လိုတာပါ...
နှုတ်ဆိတ်လို့အဝေးကိုလှမ်းနေတဲ့ နင့်ကို
စကားတွေလိုက်လိုက်ပြောပြီးခေါ်နေရတာ
ရက်ပေါင်းသုံးရာနီးနီးရှိပေါ့...
ထားခဲ့ရက်လို့ထားခဲ့တာဆိုပေမဲ့
နေမယ်ဆိုလဲ ချစ်သူပျော်ဖို့အတွက်သာ
ငါအမြဲကြိုးစားတတ်တာ
နင်သိရက်နဲ့ဟာ....
အရှေ့တိုးရင် နှလုံးသားကို ဓားနဲ့စိုက်မယ်
အနောက်ဆုတ်ရင် နှလုံးသားကို မီးနဲ့မြှိုက်မယ်ဆိုတဲ့
ကံကြမ္မာရဲ့ ရွေးချယ်ခွင့်နှစ်ခုကြားမှာ
ငါနာကျင်နေတုန်း
သာသာယာယာလေး ထွက်ခွာနေတဲ့ချစ်သူကို
အံ့သြမှု၊ ယူကြုံးမရဖြစ်မှုတွေနဲ့
တိုးတိုးလေးဘဲ နှုတ်ဆက်လိုက်ပါရစေ
"ချစ်သူကံကောင်းပါစေ" ..... လို့ ။
Subscribe to:
Post Comments (Atom)
No comments:
Post a Comment